2025-жылдын 2-июлунда Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Бишкек шаары боюнча бөлүмүнүн кызматкерлери тарабынан Ош, Аламүдүн, орто-сай жана Дордой Фуд базарларында эттин (уй, кой эти) жана башка социалдык маанилүү товарлардын рыноктук чекене бааларына мониторинг жүргүзүлгөн.

Аталган иш-чаранын алкагында бөлүмдүн кызматкерлери тарабынан эттин баасынын кымбатташына жол бербөө жана “Керектөөчүлөрдүн укуктарын коргоо жөнүндө” Кыргыз Республикасынын Мыйзамынын нормаларын так сактоо боюнча түшүндүрүү иштери жүргүзүлдү.

Мындан тышкары, жогоруда аталган базарлардын администрациялары тарабынан керектөөчүлөрдүн укуктарын коргоо жөнүндө Кыргыз Республикасынын мыйзамдарынын ченемдерин так сактоо жөнүндө маалыматтык-түшүндүрүү иштери жүргүзүлгөн жана Кыргыз Республикасынын колдонуудагы мыйзамдарынын жоопкерчилик ченемдери түшүндүрүлгөн.