Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ош облустук бөлүмүнүн кызматкерлери тарабынан Араван райондук мамлекеттик администрациясынын, мамлекеттик салык кызматынын Араван району боюнча башкармалыгынын, Араван райондук ветеринардык башкармалыгынын кызматкерлери менен биргеликте, 2025-жылдын 3-мартында Ош облусунун Араван районунун борбордук базарында социалдык маанилүү товарлардын бааларына мониторинг жүргүзүлдү.

Мониторингдин жүрүшүндө 1 кг уй этинин баасы 570 сомдон, кой этинин баасы 630 сомдон, картошка 40-55 сомдон, пияз 25-30 сомдон сатылып жаткандыгы аныкталды. Андан сырткары, сатуучуларга бааны негизсиз көтөрүүгө жол бербөө жана Кыргыз Республикасынын “Керектөөчүлөрдүн укуктарын коргоо жөнүндө” Мыйзамынын талаптарын так сактоо боюнча түшүндүрүү иштери жүргүзүлдү.