Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматында (мындан ары-Кызмат) керектөөчүлөрдүн укуктарын коргоонун Бүткүл дүйнөлүк күнүнө арналган бир айлыкты өткөрүү боюнча иш-чаралардын алкагында “Кичинекей Керектөөчү” темасына балдардын сүрөт конкурсу болуп өттү.

Сынак өсүп келе жаткан муундарда маданиятты калыптандыруу, керектөөчүлөрдүн укугун коргоо маселелерине балдардын көңүлүн буруу жана алардын чыгармачылык жөндөмдөрүн өнүктүрүү максатын көздөйт.

Бул Конкурска Кызматтын кызматкерлеринин жыйырмадан ашык баласы активдүү катышты.  Сүрөттөр оригиналдуу идеялар, экспрессивдүү жана эмоционалдык образдар менен белгиленет. 

Конкурстун жыйынтыгы боюнча жаш сүрөтчүлөр баалуу белектер менен сыйланышты.