Кыргыз Республикасынын Экономика жана коммерция министрлигине караштуу
Монополияга каршы жөнгө салуу кызматынын Талас облустук бөлүмүнүн кызматкерлери
тарабынан борбордук аппараттын тапшырмасына ылайык, Талас шаарында жайгашкан
сулуулук салондордун жана чач тарачтардын кызматтары боюнча маалыматты чогултуу
жана талдоо максатында сурамжылоолор жүргүзүлдү жана КРнын “Керектөөчүлөрдүн
укуктарын коргоо жөнүндө” мыйзамынын нормаларын сактоо максатында түшүндүрүү
иштери жүргүзүлдү.
Сулуулук салондору көрсөткөн төмөнкү кызматтардын баасына мониторинг
жүргүзүлдү:

• маникюр;
• педикюр;
• балдардын чач кыркуусу;
• эркектердин чач кыркуусу;
• аялдардын чач кыркуусу.
  Мониторингдин жүрүшүндө сулуулук салондорду жана чач тарачтарды иштеткен
  жогоруда көрсөтүлгөн кызматтарды көрсөтүү үчүн пайдаланылган жайларды ижарага
  алуунун учурдагы наркы жөнүндө маалыматтары жана акыркы мезгилде ижара акысынын
  өзгөрүү динамикасы боюнча маалыматтар алынды.
  Андан тышкары, мониторингдердин жыйынтыгы менен жасалма жол менен
  бааларды негизсиз жогорулатууну алдын алуу, ошондой эле Талас облустук бөлүмүнүн
  кызматкерлери тарабынан Кыргыз Республикасынын “Керектөөчүлөрдүн укуктарын
  коргоо жөнүндө” мыйзамында каралган талаптар боюнча кеңири маалыматтар берилди.