Бүткүл дүйнөлүк керектөөчүлөрдүн укуктарын коргоо күнүнө арналган бир айлыктын алкагында Кыргыз Республикасынын Экономика жана коммерция министрлигине караштуу монополияга каршы жөнгө салуу кызматынын төрагасынын орун басары С.К.Оморов катышуусунда Нарын шаарындагы С.Нааматов атындагы Нарын Мамлекеттик университетинде мугалимдердин жана студенттеринин катышуусунда жыйын болуп өттү.

Бул иш-чаранын жүрүшүндө “Керектөөчүлөрдүн укугун коргоо жөнүндө” Кыргыз Республикасынын Мыйзамынын айрым милдеттери кыскача түшүндүрүлүп берилди.  Лекция учурунда төмөнкү маселелер талкууланды:

– керектөөчүлөрдүн укуктары жөнүндө;

– аткаруучулардын, сатуучулардын жоопкерчиликтери жөнүндө;

– монополияга каршы кызматынын керектөөчүлөрдүн укуктарын коргоо боюнча жүргүзүлгөн иштери жөнүндө;

– керектөөчү кантип өзүнүн укугун коргойт жана кайсы мамлекеттик органдарга кайрылуусу мүмкүн;

–  ошондой эле керектөөчүлөрдүн укуктарын коргоо боюнча башка маселелер талкууланды.

Ошондой эле Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын керектөөчүлөрдүн укуктарын коргоо багытындагы иштери, милдеттери жана функциялары боюнча кеңири маалымат берилди.