Кыргыз Республикасынын Министрлер Кабинетинин Төрагасынын орун басары – Кыргыз Республикасынын Суу ресурстары, айыл чарба жана кайра иштетүү өнөр жайы министри Б.Э. Торобаевдин протоколдук тапшырмасына ылайык калкты биринчи керектелүүчү азык-түлүк товарлары менен камсыз кылуу жана азык-түлүк рыногундагы абалды туруктуу кармоо үчүн облустук жана райондук/шаардык денгээлде түзүлгөн жумушчу топтор менен биргеликте Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Чүй облустук бөлүмү социалдык маанилүү товарлардын бааларына мониторинг жүргүзүдө.

2025-жылдын 28-февралында Чуй облустук бөлүмүнүн кызматкерлери Панфилов районундагы жумушчу тобу менен биргеликте Кайынды шаарында базарларда жана соода түйүндөрүнө мониторинг жүргүзүштү.

Мониторинг жүргүзүүдө социалдык маанилүү товарларды сатуучу ишкерлерге негизги болгон социалдык товарлардын бааларын (эт, кумшекер, картошка ж.б.) себепсиз көтөрбөө боюнча түшүндүрүү иштерин алып барышты.

Мониторингтин жыйынтыгында кээ бир социалдык маанилүү товарлардын бааларында сезондук факторлорго жана дүн бааларынын кымбатташы менен өзгөрүүлөр болууда.

Социалдык мааниге ээ болгон товарлардын баалары төмөндөгүчө:

Кайынды шаары, Панфилов району:

• Уй эти  620,0 – 630,0 сом/кг;
• Кой эти 620,0 – 620,0 сом/кг;
• Картошка 55,0 – 60,0 сом/кг.
• Кумшекер 65,0 – 70,0 сом/кг

Чүй облустук бөлүмү тарабынан социалдык маанилүү товарлардын бааларын ар жума сайын мониторинг жүргүзүү менен ишкерлер арасында бааны себепсиз кымбаттатбоо боюнча түшүндүрүү иштерин жүргүзүүнү жана себептерин аныктоо боюнча талдоолорду жүргүзөт.