Ош облусунун Өзгөн районунун борбордук базарында социалдык маанилүү товарлардын бааларынамониторинг жүргүзүлдү
17.02.2025Кыргыз Республикасынын Министрлер Кабинетинин 2023-жылдын 8-сентябрындагы №455 “Социалдык маанилүү товарларга бааларды мамлекеттик жөнгө салуу жөнүндө” токтомуна ылайык, Кыргыз Республикасынын Экономика жана коммерция министрлигинин 2024-жылдын 19-августундагы “Кыргыз Республикасынын аймагында көмүргө болгон бааларды убактылуу мамлекеттик жөнгө салуунун мөөнөтүн узартуу жөнүндө” №78 буйругун аткаруу максатында (мамлекеттик жөнгө салуу 2024-жылдын 15-сентябрынан баштап 2024-жылдын 15-декабрына чейин киргизилген, бирок Кыргыз Республикасынын Экономика жана коммерция министрлигинин 2024-жылдын 27-декабрындагы “Кыргыз Республикасынын аймагында көмүрдүн баасын убактылуу мамлекеттик жөнгө салуунун мөөнөтүн узартуу жөнүндө” №122 буйругу менен 2025-жылдын 15-февралына чейин көмүрдүн баасын убактылуу мамлекеттик жөнгө салуу узартылган), Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматы (мындан ары – Кызмат) тарабынан Кыргыз Республикасынын облустары, Бишкек жана Ош шаарлары боюнча көмүрдүн баасынын максималдуу деңгээли белгиленген.
Аймактар боюнча көмүрдүн баасы сатуу түйүнүнүн казып алуу жеринен (карьерден) алыстыгына, б.а. сатуу жерине чейин жеткирилишине жана аны казып алуу ыкмаларына (шахталык ыкма, казып алуунун кыйла кымбат кол ыкмасы, мисалы, Ысык-Көл облусунун Жыргалан шахтасында жана Баткен облусунун Сүлүктү шахтасында же Кара-Кече кесилишиндегидей ачык ыкма менен), кампалоо жана сатуу шарттарына жараша болот.
Мамлекеттик жөнгө салууну жүргүзүү мезгилинде Кызмат тарабынан жергиликтүү өз алдынча башкаруу органдарынын, салык органдарынын жана ички иштер органдарынын кызматкерлерин тартуу менен белгиленген баалардын сакталышына контролдук иш-чаралар жүргүзүлгөн.
Ошондой эле, Кызмат күн сайын көмүр сатуу чөйрөсүндө иш жүргүзгөн чарбакер субъекттер арасында түшүндүрүү иштери менен көмүрдүн баасына мониторинг жүргүзүлдү.
Кыргыз
Республикасынын Экономика жана коммерция министрлигинин 2024-жылдын
19-августундагы “Кыргыз Республикасынын аймагында
көмүргө болгон бааларды убактылуу мамлекеттик жөнгө салууну киргизүү жөнүндө”
№78 токтомун ишке ашыруу боюнча жасалган иштер жөнүндө маалымат 15.02.2025-жылга
карата
| Аймактык бөлүмдөр | Чыгуулардын саны | Камтылган чарбакер субъекттердин саны (түшүндүрүү иштери) | Билдирүүлөрдүн саны | Берилген эскертүүлөрдүн саны | Салынган айыптардын саны |
| Бишкек шаары | 82 | 159 | 123 | 6 | 8 |
| Чүй облусу | 34 | 177 | 159 | 0 | 1 |
| Ош ш. | 41 | 180 | 75 | 0 | 0 |
| Ош облусу | 33 | 190 | 53 | 0 | 21 |
| Нарын облусу | 81 | 101 | 32 | 2 | 4 |
| Баткен облусу | 126 | 366 | 141 | 4 | 9 |
| Жалал-Абад облусу | 54 | 263 | 0 | 8 | 2 |
| Ысык-Көл облусу | 44 | 168 | 87 | 36 | 2 |
| Талас облусу | 65 | 314 | 144 | 51 | 9 |
| Бардыгы | 560 | 1918 | 814 | 107 | 56 |