Кыргыз Республикасынын Экономика жана коммерция министрлигине караштуу
Монополияга каршы жөнгө салуу кызматынын Чүй облустук бөлүмү 2025-жылдын 30-
январында Кант шаарында жана Ысык-Ата районунда көмүргө болгон белгиленген
максималдуу чекене бааларга жана көмүрдүн коруна (запасы) мониторинг жүргүзүштү.
Мониторинг учурунда көмүргө болгон белгиленген максималдуу чекене бааларды
туура сактоо, таразаны камсыз кылуу жана көмүрдүн бааларын керектөөчүлөр үчүн
көрүнүктүү жерлерге жайгаштыруу боюнча түшүндүрүү иштери жүргүзүлдү.
Көмүрдүн баалары белгиленген максималдуу чекене баалардан ашык саткан
учурлар катталган жок.
2025-жылдын 30-январына карата жогорудагы шаар жана райондордо жергиликтүү
жана импорт көмүрү төмөнкү бааларда сатылып жатат:

– Кант шаары – импорт көмүрү (Шабыркуль, Каражыра) – 6300,0 сом/тонна;

– жергиликтүү көмүр – 5200,0 – 5700,0 сом/тонна.
– Ысык-Ата району – жергиликтүү көмүр – 5200,0 – 5700,0 сом/тонна;
– “Кыргызкөмүр” МИ отун базасы – 5200,0 сом/тонна.
Чүй облустук бөлүмү тарабынан Чүй облусунун башка район жана шаарларында
көмүргө болгон белгиленген максималдуу чекене бааларга мониторинг жүргүзүү
улантылат.