Кыргыз Республикасынын Экономика жана коммерция министрлигине караштуу
Монополияга каршы жөнгө салуу кызматынын Чүй облустук бөлүмүнүн кызматкерлери
Кемин райондук мамлекеттик администрациясынын кызматкерлери менен биргеликте
2024-жылдын 18-декабрында Кемин районунда эттин бааларына жана көмүргө болгон
белгиленген максималдуу чекене бааларга мониторинг жүргүзүштү.
Кемин райондук мамлекеттик администрациясы эттин баасы кымбаттап
жаткандыгы боюнча маалымат билдиришти. Мониторинг учурунда эт сатуучу ишкерлерге
Кыргыз Республикасынын мыйзамдарынын талаптарын туура сактоо менен бааны
себепсиз көтөрбөө боюнча түшүндүрүү иштери жүргүзүлдү.

• Уй эти – 580,0 – 620,0 сом/кг;
• Кой эти – 600,0 – 650,0 сом/кг

Ошондой эле көмүргө болгон белгиленген максималдуу чекене бааларды туура
сактоо, таразаны камсыз кылуу жана көмүрдүн бааларын керектөөчүлөр үчүн көрүнүктүү
жерлерге жайгаштыруу боюнча түшүндүрүү иштери жүргүзүлдү.
Көмүрдүн баалары белгиленген максималдуу чекене баалардан ашык саткан
учурлар катталган жок.
2024-жылдын 18-декабрына карата жергиликтүү жана импорт көмүрү төмөнкү
бааларда сатылып жатат:

• “Кыргызкөмүр” МИ отун базасы – 5000,0 сом/тонна.
  Жергиликтүү көмүр (Каракече) – 5500,0 сом/тонна.
  Чүй облустук бөлүмү тарабынан Чүй облусунун башка район жана шаарларында
  көмүргө болгон белгиленген максималдуу чекене бааларга мониторинг жүргүзүү
  улантылат.