2024-жылдын 9-декабрында Бишкек шаарында Ленин районунун Мурманский көчөсүндө жайгашкан көмүр сатуу түйүндөрүндө белгиленген баалардын сакталышына мониторинг жүргүзүлдү. Бул иш-чара шаардагы көмүр базарындагы абалды көзөмөлдөп, аныкталган чектөөлөрдүн аткарылышын камсыздоого багытталган.

• Көмүрдүн тартыштыгы байкалган жок – бардык көмүр сатуу түйүндөрүндө отун жетиштүү көлөмдө бар.
• Баалар бекитилген чектен ашкан жок, керектөөчүлөр үчүн жеткиликтүү деңгээлде кармалып турат.

Мониторингдин алкагында Бөлүмдүн кызматкерлери Кыргыз Республикасынын “Керектөөчүлөрдүн укуктарын коргоо жөнүндө” жана “Өлчөөлөрдүн бирдейлигин камсыз кылуу жөнүндө” мыйзамдарынын талаптары тууралуу көмүр сатуучуларга түшүндүрүү иштерин жүргүзүштү. Ошондой эле, Бишкек шаарынын аймагында 90 күнгө белгиленген көмүрдүн максималдуу баалары боюнча Буйруктун аткарылышын камсыздоо маселеси талкууланды.

Мониторинг натыйжасында шаардыктарды көмүр менен үзгүлтүксүз камсыздоо жана баалардын негизсиз жогорулашына жол бербөө иш-чаралары активдүү улантылып жатканы белгиленди.

Бул аракеттер көмүрдүн жеткиликтүүлүгүн жана экономикалык туруктуулукту камсыздоого көмөктөшүү менен жарандардын кызыкчылыктарын коргоо боюнча маанилүү кадам болуп эсептелет.