Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ош облустук бөлүмүнүн башчысы Кыргыз Республикасынын Президентинин Ош облусундагы ыйгарым укуктуу өкүлүнүн орун басары И.Ташбаев, Ош облусунун Ноокат районунун мамлекеттик администрациясынын башчысынын биринчи орун басары, мамлекеттик салык кызматынын Ноокат району боюнча башкармалыгынын башчысы, Кыргыз Республикасынын Жаратылыш ресурстары, экология жана техникалык көзөмөл министрлигинин Ош регионалдык башкармалыгынын, Ош ОИИБы боюнча ЖКККБнын Ноокат районунун кызматкерлери жана айыл өкмөт башчылары менен биргеликте 2024-жылдын 28-ноябрында Ош облусунун Ноокат районунун аймагында көмүр сатуучу жайларга мониторинг жүргүзүлдү.

Мониторингдин жүрүшүндө, Ноокат районунун аймагында көмүрдүн баалары белгиленген максималдуу чекене баадан жогору саткан учурлар жана көмүрдүн баасы жөнүндө маалыматтар жок экендиги аныкталып, жыйынтыгында 6 айып пул салынды.

Андан сырткары, мониторинг учурунда көмүргө болгон белгиленген максималдуу чекене бааларды туура сактоо, таразаны камсыз кылуу жана көмүрдүн бааларын керектөөчүлөр үчүн көрүнүктүү жерлерге жайгаштыруу боюнча түшүндүрүү иштери жүргүзүлдү.