2024-жылдын 14-ноябрында Кыргыз Республикасынын Экономика жана
коммерция министрлигине караштуу Монополияга каршы жөнгө салуу кызматынын
Талас облустук бөлүмүнүн кызматкерлеринин демилгеси менен, Бакай-Ата районунун
мамлекеттик администрациясынын өкүлү жана айыл өкмөттөрүнүн өкүлдөрү менен
биргеликте, Бакай-Ата районунда жайгашкан көмүр отуну сатылуучу жайларга, көмүрдүн
баасынын көтөрүлүшүнө жол бербөө, анын калк үчүн баасынын жеткиликтүүлүгүн
камсыз кылуу максатында, Талас облустук бөлүмүнүн 12.09.2024 жылдагы №8 сандуу
“Талас облусу боюнча көмүрдүн бааларынын максималдуу бааларын белгилөө
жөнүндө” – буйругун аткаруу максатында, Бакай-Ата району боюнча көмүргө
белгиленген максималдуу бааны сактоо маселелери боюнча иш-чараларды (мониторинг)
өткөрүлдү.
Мониторингдин жыйынтыгында көмүр отунун баасына байкоолор жана
ишкерлерге сатылып жаткан көмүрдүн бааларына мониторинг менен бирге Кыргыз
Республикасынын «Керектөөчүлөрдүн укуктарын коргоо жөнүндө» жана «Өлчөө
бирдиктүүлүгүн камсыз кылуу жөнүндө» мыйзамдарынын негизинде – “товарлардын
баалары тууралуу маалыматтарды милдеттүү түрдө көрсөтүү” жана өлчөө каражаттарын
(таразаларды) мезгилдүү текшерүүлөрдөн өткөзүү” боюнча тийиштүү түшүндүрүү иштери
жүргүзүлүп, баасын көрүнүктүү жерге илүүгө көрсөтмөлөр берилди.