Кыргыз Республикасынын Экономика жана коммерция министрлигине
караштуу Монополияга каршы жөнгө салуу кызматынын Ош облустук
бөлүмүнүн кызматкерлери тарабынан Ош облусунун Кара-Кулжа райондук
мамлекеттик администрациясынын жана Мамлекеттик салык кызматынын
Кара-Кулжа району боюнча башкармалыгынын кызматкерлери менен
биргеликте 2024-жылдын 24-октябрында Ош облусунун Кара-Кулжа
районунун аймагында көмүр сатуучу жайларга мониторинг жүргүзүлдү.
Мониторингдин жүрүшүндө Кара-Кулжа районунун аймагында Ош
облусунун аймагынан чыккан 1 кг көмүр 8 сомго чейин сатылып жаткандыгы
аныкталды. Көмүрдүн баалары белгиленген максималдуу чекене баадан
жогору саткан учурлар катталган жок.
Мониторинг учурунда көмүргө болгон белгиленген максималдуу
чекене бааларды туура сактоо, таразаны камсыз кылуу жана көмүрдүн
бааларын керектөөчүлөр үчүн көрүнүктүү жерлерге жайгаштыруу боюнча
түшүндүрүү иштери жүргүзүлдү.
Ошондой эле, көмүр сатуучуларга бааны негизсиз көтөрүүгө жол
бербөө жана Кыргыз Республикасынын “Керектөөчүлөрдүн укуктарын
коргоо жөнүндө” Мыйзамынын талаптарын так сактоо боюнча түшүндүрүү
иштери жүргүзүлдү.