Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын 2024-жылдын 30-майындагы №07-1/44 сандуу тапшырманын негизинде, Кыргыз Республикасынын Министрлер Кабинетинин жана Кыргыз Республикасынын Улуттук банкынын токтомун жана 2023-2027-жылдарга Кыргыз Республикасында накталай эмес төлөмдөрдүн жана эсептешүүлөрдүн үлүшүн көбөйтүү боюнча мамлекеттик программаны ишке ашыруу боюнча иш-чаралар планын аткаруу максытында жана Кыргыз Республикасынын Өкмөтүнүн 2015-жылдын 23-декабрындагы № 869 сандуу “Керектөөчүлөрдүн укуктарын коргоо боюнча чаралар жөнүндө” токтомунун тизмесинде көрсөтүлгөн чарбакер субьектерлерине гипер маркет, супер маркет, дүкөндөрдө жана дарыканаларда мониторинг жүргүзүлдү.

2024 – жылдын 12-июлунда  Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Талас облустук бөлүмүнүн жана Улуттук банктын  кызматкерлери менен  биргеликте Бакай-Ата районунда жайгашкан дүкөндөрдгө, авто унаа тетиктерин сатуу дүкөндөрү  жана  дарыканаларда  мониторинг жана түшүндүрүү иштерин жүргүзүштү.

Мониторингдин жүрүшүндө накталай эмес төлөмдөрдү кабыл алуу үчүн программалык-техникалык түзүлүштөрдү тактап айтканда QR-коддорду керектөөчүлөргө ыңгайлаштырып көрүнүктүү жерге илүү боюнча жана Кыргыз Республикасынын “Керектөөчүлөрдүн укуктарын коргоо жөнүндө” мыйзамынын 27-берененин талаптары менен түшүндүрүү иштери жүргүзүлдү.

Иш-чаранын жыйынтыгы менен ишкерлер тараптан аталган талаптар туура кабыл алынып, жакынкы арада эрежеге ылайык соода сатык жүргүзүлөөрүн билдиришти.