Кыргыз Республикасынын Өкмөтүнүн 2013-жылдын 18-февралындагы №83 токтому менен бекитилген “Мамлекет тарабынан жөнгө салынуучу чарбакер субъекттердин товарларына (жумуштарына, кызмат көрсөтүүлөрүнө) бааларды (тарифтерди) аныктоонун тартиби жөнүндө” Жобого ылайык, 2024-жылдын 4-июлунда Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын аянтчасында “Кыргызтелеком” ААК тарабынан көрсөтүлүүчү «телефондук канализациясынан пайдаланууга үчүнчү жактарга орун берүү» кызматына тарифтин долбооруна ачык талкуу жүргүзүлдү.

Талкууга кызыкдар министрликтердин, ведомстволордун, табигый монополия субъекттеринин жана ЖМКнын өкүлдөрү катышты.

Талкуунун жүрүшүндө колдонуудагы тарифтердин өзгөрүүсүнүн себептери жөнүндө кеңири маалымат жана көрсөтүлгөн кызматтын өздүк наркын түзгөн чыгымдардын негизги беренелери боюнча толук маалымат берилди.

Катышуучулар тарабынан талкуу учурунда айтылган сунуштар эске алынды.