Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын төрагасынын 2024-жылдын 19-февралындагы “Бүткүл дүйнөлүк керектөөчүлөрдүн укуктарын коргоо күнүнө карата айлык өткөрүү жөнүндөгү” №34 буйругун аткаруу максатында Кызматтын Ош шаары боюнча бөлүмүнүн адистери тарабынан 2024-жылдын 26-март күнү Ош шаардык клиникалык ооруканасына мониторинг жүргүзүлдү.

Мониторингдин жүрүшүндө Ош шаардык клиникалык ооруканасынын дартты аныктоо бөлүмү тарабынан керектөөчүлөр үчүн акы алып кызмат көрсөтүүсүнүн баасы (тариф) жөнүндө маалыматтар жана мекеменин аталышы, иштөө мөөнөттөрү керектөөчүлөргө көрүнө турган жерге илинип тургандыгы аныкталды. Ошондой эле жарандардан арыз, кайрылууларды кабыл алуу терезеси ачылган.

Ошондой эле бөлүмдүн кызматкерлери керектөөчүлөрдүн укуктары, кызмат көрсөтүүчүлөрдүн милдеттери жана жоопкерчиликтери жөнүндө түшүндүрүү иштерин жүргүздү.