Ушул жылдын 17-январында Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Баткен облустук бөлүмүнүн кызматкерлери Баткен шаарынын борбордук  базарынын айланасындагы эт сатуучу жайларда мониторинг жүргүзүштү. Мониторингдин негизинен эттин бааларын, өздүк наркын талдоо иштерин камтыды.

Ошондой эле, бул иш-чаралардын жүрүшүндө Баткен шаарында эттин баалары жалпысынан туруктуу, негизсиз бааларды жогорулатуу жок экендиги байкалып, “Атаандаштык жөнүндө” жана “Керектөөчүлөрдүн укуктарын коргоо жөнүндө” Кыргыз Республикасынын мыйзамдарынын нормаларын ишке ашыруунун алкагында эт сатуучу ишкерлерге бааларды туруктуу кармоо, негизсиз жогорулатууга жол бербөө тууралуу түшүндүрүү иштери жүргүзүлдү. Уй этинин 1 кг чекене баасы-530 сомдон, ал эми кой этинин 1 кг чекене баасы -600 сомдон сатылып жаткандыгы аныкталды.

Ушундай эле иш-чаралар Баткен облусунун башка район-шаарларында  дагы өткөрүлмөкчү.