Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Чүй облустук бөлүмү тарабынан 2023-жылдын 25 октябрындагы №45 Буйругунун негизинде белгиленген максималдуу чекене баалары боюнча 2024-жылдын 11-январында Чүй облусунун Токмок, Кант жана Ысык-Ата районунундагы көмүр сатуучу жайларына мониторинг жана түшүндүрүү иштери жүргүзүлдү.

Жөргүзүлгөн мониторингтин натыйжасында жогорудагы Буйрукта көрсөтүлгөн максималдуу чекене баалары көмүр сатуучу жайларда ашыкча билдирүүлөрү тастыкталган жок.

Андан тышкары көмүр сатуучу  жайларда көмүрдүн запасы жетиштүү экени аныкталды жана көмүрдүн көлөмүн ченөөчү таразалары дагы боюнча маалымат жана түшүндүрү иштери жүргүзүлдү.

Чүй облустук бөлүмүнүн кызматкерлери жергиликтүү өз алдынча башкаруу органдарынын жана райондук мамлекеттик администрациялардын кызматкерлери менен биргеликте мониторинг жүргүзүүнү дагы улантат.