2024-жылдын 8-январында Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Талас облустук бөлүмүнүн кызматкерлери тарабынан, Талас шаарында жайгашкан көмүр отуну сатылуучу жайларга мониторинг жүргүзүлдү.

Бул иш-чаранын жүрүшүндө көмүр отунун баасына байкоолор жүргүзүлүп жана ишкерлерге түшүндүрүү иштери жүргүзүлдү. Ал эми 2 ишкерге көмүрдүн баасы тууралуу маалыматты илүү боюнча көрсөтмөлөр берилди.

Алсак, бүгүнкү күндө Талас облусунун Талас шаарынын социалдык көмүр отун базасында жергиликтүү көмүр 1 тоннасына – 5900 сомдон, ал эми импорттук көмүр 1 тоннасын – 8000 сомдон сатылып жатканы белгилүү болду. Башка көмүр отун базаларында жергиликтүү көмүр салмагы 1 кг эндей -6,0 сомдон, капталган кызматы менен 1 кг – 6,3 сомго чейин, ал эми импорттук көмүр 1 кг эндей 7,6 – 8,0 сомдон, ал эми каптап бергени – 8,9 сомго чейин сатылып жатканы белгилүү болду. Учурда Талас шаарында көмүрдүн кору туруктуу, ал эми баалары буйрукта белгиленген чектен ашпай сатылып жатканы аныкталды.