2023-жылдын 21-ноябрында Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Талас облустук бөлүмүнүн кызматкерлери, Бакай-Ата мамлекеттик администрациясынын кызматкери, Бакай-Ата райондук укук коргоо органдарынын кызматкерлери жана жергиликтүү өз алдынча башкаруу органдарынан өкүлдөрү менен биргеликте, Бакай-Ата районунун айыл аймактарында жайгашкан көмүр сатылуучу жайларга мониторинг жүргүзүлдү.

Иш-чаранын жүрүшүндө, буга чейин Бакай-Ата районунда көмүр саткан ишкерлерге буйруктар таркатылып, бир нече оозеки эскертүү жана көрсөтмөлөр берилгенине карабастан, керектөөчүлөргө көмүрдүн бааларын көрүнүктү жерге илинбегендиги аныкталып, көмүр саткан ишкерге Кыргыз Республикасынын “Укук бузуулар жөнүндө” Кодексинин 390-беренесинин 4 – бөлүгүн негизинде 1000 (бир миң) сом өлчөмүндө айып пул салынды.

Мындан сырткары биринчи сорттогу унунан жасалган бөлкө нан жана тандыр нандын баасына байкоолор жүргүзүлдү. Ал менен бирге, Кыргыз Республикасынын «Керектөөчүлөрдүн укуктарын коргоо жөнүндө» жана «Өлчөө бирдиктүүлүгүн камсыз кылуу жөнүндө» мыйзамдарынын негизинде – “товарлардын баалары тууралуу маалыматтарды милдеттүү түрдө көрсөтүү” жана өлчөө каражаттарын (таразаларды) мезгилдүү текшерүүлөрдөн өткөзүү” боюнча эскертме жазуулар берилди.

Учурда Бакай-Ата районунда көмүрдүн жана нандын баасы буйрукта белгиленген чектен ашпай сатылып жатканы аныкталды.