Кыргыз Республикасынын Министрлер Кабинетинин 2023-жылдын 8-сентябрындагы “Социалдык  маанилүү  товарларга  бааларды мамлекеттик  жөнгө салуу жөнүндө” №455 токтомунун жана Кыргыз  Республикасынын  Экономика  жана коммерция министрлигинин 2023-жылдын 18-октябрындагы “Кыргыз  Республикасынын  аймагында  көмүргө  болгон  бааларды убактылуу мамлекеттик  жөнгө салууну киргизүү жөнүндө” №133 буйругунун негизинде, Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ош облустук бөлүмүнүн 2023-жылдын 25-октябрындагы №4/28 буйругу менен Ош облусунун аймагында калкка сатылуучу көмүрдүн чекене бааларынын максималдуу денгээли 90 календарлык күндүк мөөнөткө белгиленди.

Аталган буйруктун аткарылышын көзөмөлдөө максатында, 2023-жылдын 14-ноябрь күнү Ош облустук бөлүмүнүн кызматкерлери Кыргыз  Республикасынын  Президентинин  Ош  облусундагы   ыйгарым  укуктуу өкүлүнүн орун басары З.Тургунбаев, Мамлекеттик салык кызматынын Ош облусунун Кара-Кулжа жана Өзгөн райондору боюнча башкармалыктарынын башчысы, Ош ОИИБы боюнча ЖКККБнын Кара-Кулжа районунун башчысы, Кара-Кулжа жана Өзгөн райондук администрациясынын жана айыл өкмөттөрдүн өкүлдөрү менен биргеликте Кара-Кулжа жана Өзгөн райондорунун аймагында көмүр сатуучуларга көмүрдүн чекене бааларынын максималдуу денгээли белгиленгендиги жөнүндө буйрук менен тааныштырып, буйруктун аткарылышы жөнүндө түшүндүрүү иштери жүргүзүлдү.      

Түшүндүрүү иштеринин жүрүшүндө Кара-Кулжа районунун аймагында көмүрдүн максималдуу деңгээли электен өткөнү 1кг 7,4 сомдон, эленбеген түрү 1 тоннасы 6500 сомдон, ал эми Өзгөн районунун аймагында көмүрдүн максималдуу деңгээли электен өткөнү 1кг 7,3 сомдон, эленбеген түрү 1 тоннасы 6500 сомдон белгиленгени жөнүндө маалымат берилип, бааны көтөрбөө боюнча түшүндүрүү иштери жүргүзүлдү жана белгиленген көмүрдүн баасы жөнүндө маалыматтар илинди.