Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Чүй облустук бөлүмүнүн кызматкерлери Кыргыз Республикасынын Президентинин Чүй облусундагы ыйгарым укуктуу өкүлчүлүктүн кызматкерлери жана райондук мамлекеттик администрация кызматкерлери менен биргеликте көмүргө болгон белгиленген максималдуу чекене бааларга 2023-жылдын 11-ноябрында мониторинг жүргүзүштү.

Мониторинг жана түшүндүрүү иштери Чүй облусунун Москва, Жайыл, Панфилов райондорунда жана Кара-Балта шаарында жүргүзүлдү.

Мониторинг учурунда көмүр сатуучу жайларда, баанын илинбегендиги, таразалардын жоктугу жана көмүрдүн белгиленген баадан ашык саткан учурлар аныкталды. Жыйынтыгы менен көмүр сатуучу ишкерлерге бааны арзандатуу жана бааларды көрүнүктүү жерге жайгаштыруу, таразаны камсыз кылуу боюнча эскертүүлөр жана тийиштүү билдирүүлөр берилди

Ошондой эле Кыргыз Республикасынын “Керектөөчүлөрдүн укуктарын коргоо жөнүндө” мыйзамынын негизинде берилген эскертүүлөр өз убагында аткарылбаган учурда Кыргыз Республикасынын Укук бузуулар Кодексинин ылайык чара көрүлөрү маалымдалды.  

Чүй облустук бөлүмүнүн кызматкерлери жергиликтүү өз алдынча башкаруу органдарынын жана райондук мамлекеттик администрациялардын кызматкерлери менен биргеликте мониторинг жүргүзүүнү дагы улантат.