2023-жылдын 24-октябрында Талас облустук бөлүмүнүн кызматкерлери жана Кыргыз Республикасынын Улуттук Банкынын Талас облустук башкармалыгынын өкүлдөрүнүн катышуусунда Талас шаарындагы ишкердик субъекттерине мониторинг жүргүзүлдү. Аталган иш чара Талас шаарынын жашоочуларына накталай эмес төлөөгө шарт түзүп берүү  максатында уюштурулган. Мониторингдин жүрүшүндө Кыргыз Республикасынын “Керектөөчүлөрдүн укуктарын коргоо жөнүндө” Мыйзамынын 27-беренесинин жана Кыргыз Республикасынын Өкмөтүнүн 2015-жылдын 23-декабрындагы №869 «Керектөөчүлөрдүн укуктарын коргоо боюнча чаралар жөнүндө» токтомунун талаптарын аткаруу зарылдыгы боюнча билдирүүлөр берилди. Андан тышкары, керектөөчүлөрдүн укугун коргоо жаатындагы ченемдик укуктук актылар боюнча түшүндүрүү иштери жүргүзүлдү.