Ош шаарынын мэриясы тарабынан түзүлгөн жумушчу топ өз ишин баштады. Тагыраагы 2023-жылдын 12-октябрь күнү Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Ош шаары боюнча бөлүмүнүн адистери, Ош шаарынын мэриясынын өкүлдөрү жана салык кызматынын кызматкерлери менен биргеликтеОш шаарынын Амир-Темур муниципалдык аймактык башкармалыгында жайгашкан нан бышыруучу жайларда (навайкана) жана нан сатылуучу жайларда 1-сорттогу буудай унунан жасалган нан азыктарына, тандыр нан, бөлкө нандын бааларына мониторинг жүргүзүлдү.

Иш-чаранын жүрүшүндө бөлкө нандын максималдуу деңгээли 1 кг. дүң баасы 56,5 сомдон, чекене баасын 65,0 сом, нан азыктарына (тандыр нан) дүң баасы 89,0 сом жана чекене баалары 100,0 сомдон белгиленгени жөнүндө маалыматтар айтылып, бааны көтөрбөө боюнча түшүндүрүү иштери жүргүзүлдү.

Жогорудагыдай иш-чаралар шаардын калган 6 муниципалдык аймактык башкармалыктарында да белгиленген графике ылайык жүргүзүлүп турмакчы.