Кыргыз Республикасынын Экономика жана коммерциялык министрлигине караштуу Монополияга каршы жөнгө салуу кызматынын төрагасы К. Д. Тайлаковдун буйругун аткаруу максатында, Кыргыз Республикасынын Экономика жана коммерциялык министрлигине караштуу Монополияга каршы жөнгө салуу кызматынын Бишкек шаары боюнча бөлүмүнүн кызматкерлери тарабынан Бишкектин Ош жана Аламүдүн базарларындагы социалдык маанилүү товарлардын бааларына мониторинг жүргүзүлдү. Мониторингдин жүрүшүндө социалдык маанилүү товарлардын баасы туруктуу экени, ошондой эле биринчи сорттогу ундун баасынын төмөндөшү байкалды.

Мындан тышкары, канттын баасынын негизсиз көтөрүлүшүнө жол бербөө максатында, ошондой эле «Атаандаштык жөнүндө», «Керектөөчүлөрдүн укуктарын коргоо жөнүндө» жана «Өлчөөлөрдүн бирдейлигин камсыз кылуу жөнүндө» Кыргыз Республикасынын мыйзамдарынын нормаларын сактоо боюнча кумшекерди сатуучулар арасында түшүндүрүү иштери жүргүзүлдү.

Социалдык маанилүү товарлардын баасына мониторинг жүргүзүү боюнча бөлүмдүн иши улантылат.