Бишкек шаары боюнча бөлүмүнө, Бишкек шаарындагы Рыскулов жана Кулиев көчөлөрүнүн кесилишинде жайгашкан «Тандыр» кафесине карата Т аттуу жарандан кайрылуу арыз түшкөн. Жарандын кайрылуусунда «Тандыр» кафесинин администрациясы тарабынан 2023-жылдын 25-июлундагы №44 эсеп берилген чекте «Кола 1 л» деген аталыштагы пункт 2 даана өлчөмүндө көрсөтүлгөн. Тагыраагы 1 литр Коко-Кола 120 сом деп көрсөтүлүп, жалпы суммасына 240 сом деп жазылган. 1 даанадан 2 литр өлчөмүндөгү «Коко-Кола» суусундугу берилген. Бул эсеп-фактурага туура келбеген жана КР «Керектөөчүлөрдүн укуктарын коргоо жөнүндө» мыйзамынын 4-берененин 1-пунктунун талаптарын бузган.
Жогорудагылардын негизинде Бишкек шаары боюнча бөлүмүнүн кызматкерлери, мыйзам бузуу болгон жерге – «Тандыр» кафесине барып, кафенин администрациясына Кыргыз Республикасынын «Керектөөчүлөрдүн укуктарын коргоо жөнүндө» мыйзамынын талаптарын бузууга жол бербөө боюнча түшүндүрүү иштерин жүргүзгөн.
Жыйынтыгында, “Тандыр” кафесинин жетекчилиги мындай кемчиликти кайра болтурбоо максатында, эмгек жамаатына жыйын өткөрүп, түшүнүк кат жазып беришти.