2023-жылдын 29-июнь күнү жарнама агенттиктеринин өкүлдөрүнүн катышуусу менен Кыргыз Республикасынын жарнама жөнүндө мыйзамдын талаптарын сактоо боюнча отурум өттү. Отурумда административдик жоопкерчиликти, жарнама эрежелерин жана жарнама жөнүндө мыйзамдарды сактоо зарылдыгын жөнүндө түшүндүрүү иштери жүргүзүлдү. Андан тышкары жолугушуунун катышуучуларына Монополияга каршы саясат боюнча мамлекеттер аралык кеңештин алдындагы Жарнама боюнча координациялык кеңештин “Жарнамалык сабаттуулук” маалыматтык кампаниясынын алкагында даярдалган жарнамалык макеттери тартууланды.

Ошондой эле метрологиялык көзөмөл башкармалыгынын адистери Кыргыз Республикасынын Мамлекеттик символдоруна карата техникалык өзгөчөлүктөрдүн талаптарын түшүндүрүштү жана презентация менен видеоролик көрсөтүштү.