Кыргыз Республикасынын Президентинин 2023-жылдын 14-мартындагы ПЖ №56 “Автомобиль жолдорунун жээгиндеги жерлерге (жол тилкесиндеги жана жол боюндагы тилкедеги жерлерде) жол боюндагы тейлоо объекттерин анын ичинде сооданы) мыйзамсыз жайгаштырууну алдын алуу жана бөгөт коюу боюнча чаралар жөнүндө” Жарлыгынын аткаруу максатында төмөндөгүдөй иш аракеттер жүргүзүлдү.
2023-жылдын 21-июнунда Кыргыз Республикасынын Экономика жана Коммерция Министрлигине караштуу монополияга каршы жөнгө салуу Кызматынын Талас облустук бөлүмүнүн, Талас шаарынын мэриясынын жана Ички иштер министрлигинин Талас облустук бөлүмүнүн кызматкерлеринин катышуусунда, соода, анын ичинде белгиленбеген жерлерде колдон-колго, лотоктордо, автоунааларда товарлардын бардык түрлөрү менен соода жүргүзүү эрежелерин бузууга жол бербөө максатында мониторинг өткөрүлдү.
Мониторинг учурунда, белгиленбеген жерлерде жер жемиштер, анын ичинде дарбыз менен коон сатылып жаткан фактылар маалым болду.
Талас щаардык Мэриясынын өкүлдөрүнүн айтымында, бул сатуучуларга бир нече жолу ооз эки эскертүүлөр берилип, жана дарбыз менен коондорду Мэрия тарабынан атайын бөлүнүп берилген территорияга сатуу керек экендиги айтылган. Ошол эле учурда, сатуучулар тарабынан мындай талаптарга эч кандай реакция кылынбаганы белгилүү болду.
Жыйынтыгында, жогоруда көрсөтүлгөн мамлекеттик органдарынын өкүлдөрү тарабынан тузүлгөн, белгиленбеген жерлерде соода жүргүзүү эрежелерин бузгандыгы тууралуу актысынын негизинде, монополияга каршы Кызматынын Талас облустук бөлүмү тарабынан, 3 жаранга Кыргыз Республикасынын укук бузуулар жөнүндө Кодексинин негизинде айып пулдар салынды.