Кыргыз Республикасынын Президентинин 2022-жылдын 26-апрелиндеги №131 «Ысык-Көлдүн экологиясын сактоо боюнча кечиктирилгис чаралар жөнүндө» Жарлыгын ишке ашыруу максатында, ошондой эле Кыргыз Республикасынын Министрлер кабинетинин төрагасынын орун басары Б.Э. Төрөбаевдин тапшырмаларын аткаруу максатында, Кыргыз Республикасынын экономика жана коммерция министрлигине караштуу Монополияга каршы жөнгө салуу кызматынын төрагасы К.Д. Тайлаков тарабынан Ысык-Көл облусунун аймагында дүң жана чекене соода менен алектенген ишкерлер менен Ысык-Көл облусунун аймагында желим баштыктарды сатууга жана колдонууга чектөөлөрдү киргизүү боюнча түшүндүрүү иштерин жүргүзүү үчүн Кызматтын адистеринен турган жумушчу топ түзүлгөн.

2023-жылдын 23-майында Кызматтын адистери тарабынан Ысык-Көл облусунун Балыкчы шаарындагы жергиликтүү базарга мониторинг жүргүзүлдү.

2023-жылдын 24-майында Балыкчы шаардык мэриясынын жыйындар залында ишкердик субъекттеринин, жаштар кыймылынын, экологиялык активисттердин жана муниципалдык кызматтардын өкүлдөрүнүн катышуусунда тегерек стол уюштурулду.

Жогорудагы иш-чаралардын жүрүшүндө Кызматтын адистери тарабынан Ысык-Көл облусунун аймагында желим баштыктарды колдонууну азайтуу боюнча түшүндүрүү иштери жүргүзүлүп, катышуучулардын назарына кагаз баштыктарды өндүрүүчүлөрдүн даректери жеткирилип, маалымат баракчалары таратылды.

Ошондой эле, Чолпон-Ата шаарында, Ысык-Көл райондук мамлекеттик администрациясынын чоң залында Ысык-Көл районунун акиминин орун басары Д.

А.Акматованын, жергиликтүү өз алдынча башкаруу органдарынын өкүлдөрүнүн, мамлекеттик органдардын жана Чолпон-Ата шаарынын мэринин катышуусунда тегерек стол уюштурулду.

Ысык-Көл облусунун аймагында «Жкелим баштыктарды сатууга жана колдонууга чектөөлөрдү киргизүү» боюнча түшүндүрүү иштеринин жыйынтыгында кызыкдар тараптар, тиешелүү органдар жана коомчулук тарабынан төмөндөгүдөй пикирлер айтылып, тиешелүү органдарга кайрылуу өтүнүчү айтылды. Бул жагдайды чечүү үчүн “Желим баштыктарды сатууга жана колдонууга чектөөлөрдү киргизүү” боюнча жумушчу топтун сунуштары:

• региондун экологиялык абалы жөнүндө жарнактарды берүүнү өнүктүрүүжана күчөтүү;
• Ысык-Көл облусунун калкына бул көйгөй боюнча маалыматты жеткирүүжана өткөрүү;
• кагаз баштыктарды чыгарууну уюштуруу;
• кагаз баштыктарга бааларды төмөндөтүү жана полиэтилен баштыктаргабааларды жогорулатуу;
• бул идеяны жайылтуу үчүн жергиликтүү фонддордон каражат бөлүүгө;
• жер-жерлерде «Тазалык» МИнин ишин уюштуруу жана күчөтүү;
• таштанды челектеринин жана сорттоочу ящиктердин санын көбөйтүү;
• калк арасында көп жолу колдонулуучу баштыктарды колдонууну пропагандалоону күчөтүү;
• Ысык-Көл облусуна желим баштыктарды алып кирүүгө тыюу салуу;
• аймакка туристтердин келүүсү көбөйгөн мезгилде желим баштыктардыколдонууну жөнгө салуу жана башкалар.

Өз кезегинде, Кыргыз Республикасынын экономика жана коммерция министрлигине караштуу Монополияга каршы жөнгө салуу кызматы, Ысык-Көл облусунда экологиялык коопсуздукка жетишүү жана желим баштыктарын колдонууну минималдаштыруу максатында өз ыйгарым укуктарынын чегинде бул максатты ишке ашырууга даяр экендигин билдирет.