2020-жылдын 13-ноябрында Мамлекеттик агенттиктин директору Ш.М. Сабировтун, Ош шаарындагы иш сапарынын жүрүшүндө Мамагенттигинин Ош шаары жана Ош облусу боюнча бөлүмү тарабынан, көмүрдүн баасына мониторинг жүргүзүү максатында отун базаларына чыгуулар уюштурулду.

Көмүрдү чекене сатуу түйүндөрүндө жолугушуулар уюштурулуп, көмүр сатуучулар жана көмүрдү жеткирүүчүлөр менен түшүндүрүү иштери жүргүзүлүп, анын жүрүшүндө 2020-2021-жылдын күз-кыш мезгилине даярдык көрүүдө баалардын негизсиз өсүшүн болтурбоо жөнүндө түшүндүрүү иштери өткөрүлдү.

Ошондой эле эт жана азык-түлүк товарларынын бааларына, анын ичинде социалдык маанилүү товарларга баалар шаар базарларында жана ири супермаркеттерде мониторинг өткөрүлдү.

Базарлардын администрациясы жана сатуучулары менен сүйлөшүүдө мамлекеттик агенттиктин директору алып-сатуучулукка жана бааларды негизсиз жогорулатууга жол бербөөгө, этке жана башка социалдык маанилүү товарларга көңүл бурууну белгиледи.