ЕЭКтин монополияга каршы блогунун өкүлдөрү кыргыз ишкерлери менен жолугушат
23.10.2019Аймактык борбор тарабынан Атаандаштык боюнча Венгриянын Будапешт шаарында уюштурулган 2019-жылдын 22-24-октябрь аралыгында болуп өткөн семинар
05.11.201930-октябрда Ош шаарында атаандаштык жана монополияга каршы жөнгө салуу боюнча коллегиянын мүчөсү Серик Жумангариндин жана Кыргыз Республикасынын Өкмөтүнө караштуу монополияга каршы жөнгө салуу мамлекеттик агенттигинин директору Шухрат Сабировдун, ошондой эле блоктун тармактык департаментинин кызмат адамдарынын катышуусунда Евразиялык экономикалык комиссиянын (ЕЭК) атаандаштык жана монополияга каршы жөнгө салуу боюнча коомдук кабыл алуу көчмө жыйыны болуп өттү. Комиссиянын эксперттери ЕЭКтин атаандаштык жана монополияга каршы жөнгө салуу боюнча блогунун ишмердиги, ЕАЭБдин укугундагы акыркы өзгөрүүлөр жөнүндө Кыргыз Республикасынын түштүк аймагынын ишкерлерине толук маалымат беришти, алар:
– атаандаштыктын жалпы эрежелерин сактоону натыйжалуу көзөмөлдөө үчүн зарыл болгон алдын алуу жана эскертүү институттары;
– ЕАЭБдин трансчегаралык рыногунда атаандаштыктын жалпы эрежелерин бузгандыгы үчүн жоопкерчилик;
– бузулган укуктарды коргоо жана ЕЭКтин мындай кайрылууларды кароо эрежелери үчүн ЕЭКке кайрылуу жол-жобосу тууралуу. ЕАЭБдин трансчегаралык рыногунда укуктары бузулган ишкерлер Комиссиянын эксперттеринен өз кызыкчылыктарын коргоо мүмкүнчүлүктөрү туурасында жекече кеңештерди ала алышты. Өткөрүлгөн иш-чаралар ишкерлердин маалымдуулугун жогорулатуу жана ата-мекендик өндүрүүчүлөрдүн товарларын ЕАЭБдин мүчө мамлекеттеринин базарларына киргизүүдө атаандаштык жөндөмдүүлүгүн жогорулатууга багытталган