Кыргыз Республикасынын Министрлер Кабинетинин 2023-жылдын 8-сентябрындагы “Социалдык  маанилүү  товарларга  бааларды мамлекеттик  жөнгө салуу жөнүндө” №455 токтомунун жана Кыргыз  Республикасынын  Экономика  жана коммерция министрлигинин 2023-жылдын 3-октябрындагы “Кыргыз  Республикасынын  аймагында  биринчи  сорттогу  буудай  унунан жасалган  нан (бөлкө нан), нан азыктарына (тандыр  нан) бааларды убактылуу мамлекеттик жөнгө салуу жөнүндө” №129 буйругунун негизинде,  Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын  Ош облустук бөлүмүнүн (мындан ары–Бөлүм) 2023-жылдын 9-октябрындагы №4/27 буйругу менен, Ош облусунун аймагында сатылуучу биринчи  сорттогу буудай унунан жасалган нан (бөлкө нан), нан азыктарынын (тандыр нан)   чекене жана дүн баасынын жогорку чектик денгээли белгиленген. Аталган буйруктун аткарылышын көзөмөлдөө максатында, 2023-жылдын 28-ноябрь күнү Бөлүмдүн кызматкерлери тарабынан Өзгөн районунун аймагында “Азия” жана “Глобус” соода түйүндөрүндө  биринчи сорттогу буудай унунан жасалган бөлкө жана тандыр нандын чекене жана дүң баасынын жогорку чектик денгээли сакталып жаткандыгы боюнча мониторинг жүргүзүлдү.                   Бүгүнкү күндө Өзгөн районунун аймагында “Азия” соода түйүнүндө  сатылып жаткан 380 грамм бөлкө нандын чекене баасы 23 сомдон, ал эми “Глобус” соода түйүнүндө 354 грамм тандыр нандын чекене баасы 35 сомдон, 330 грамм бөлкө нандын чекене баасы 21 сомдон  сатылып жаткандыгы аныкталды.