Кыргыз Республикасынын Өкмөтүнүн 2014-жылдын 30-сентябрындагы “Кыргыз Республикасынын аймагында соода ишин тартипке келтирүү жөнүндө” №560 токтому менен бекитилген эрежелердин сакталышы боюнча мониторингдин жыйынтыгы тууралуу
21.01.2026Этке (уй жана кой эти, сулп этинен башкасы) болгон баасына көзөмөл жүргүзүү мониторинг жөнүндө
26.01.2026Кыргыз Республикасынын Экономика жана коммерция министрлигине караштуу
Монополияга каршы жөнгө салуу кызматынын Талас облустук бөлүмү тарабынан
2026-жылдын 22-январында Талас шаарында жарнама жайылтуучу ишкердик субъекттердин арасында Кыргыз Республикасынын «Жарнама жөнүндө» мыйзамынын талаптарын сактоо боюнча мониторинг жүргүзүлдү.
Мониторингдин негизги максаты — ишкерлерге мыйзамдын талаптарын жеткиликтүү түшүндүрүү жана мыйзам бузуулардын алдын алуу болуп саналат.
Иш-чаранын жүрүшүндө төмөнкү жайларда мыйзам талаптары толук сакталбай жаткандыгы аныкталды:
• Талас шаарынын Оторбаев көчөсү №214 дарегинде жайгашкан «Алтын Казык» соода борборунун экинчи кабатындагы «Jai.el», «Modnisa Talas», «Elya_boutique» айымдар кийимдер дүкөндөрү жана «Maral» айымдар кийимдери, бут кийимдери жана аксессуарлары дүкөнү;
• Талас шаарынын Манас көчөсү №179/8 дарегинде жайгашкан «Датка» соода комплекси.
Бул жайларда Кыргыз Республикасынын «Жарнама жөнүндө» мыйзамынын 5-беренесинин 3-пунктунун талаптары толук көлөмдө аткарылбай жаткандыгы белгилүү болду. Тактап айтканда, жарнама мазмунунда мамлекеттик тилди колдонуу боюнча милдеттүү талаптар сакталган эмес.
Аныкталган мыйзам бузуулар боюнча ишкерлерге мыйзамдын тиешелүү нормалары түшүндүрүлүп, мыйзам талаптарын сактоону камсыз кылуу үчүн эскертүүлөр берилди.
Мындан тышкары, берилген эскертүүлөрдүн аткарылышы боюнча контролдук көзөмөл жүргүзүлүп, ишкерлер тарабынан эскертүүлөр талапка ылайык аткарылгандыгы белгилүү болду.
Белгилей кетчү жагдай, мындай алдын алуучу түшүндүрүү жана көзөмөл иш-чаралары туруктуу негизде жүргүзүлөт. Бул иштердин алкагында Монополияга каршы жөнгө салуу кызматынын Талас облустук бөлүмү Талас облусундагы жарнама жайылтуучу субъекттер менен тыгыз байланышта болуп, мыйзам талаптарын сактоо боюнча үзгүлтүксүз түшүндүрүү иштерин жүргүзүп келүүдө.