Кыргыз Республикасынын Президентинин Ош облусундагы ыйгарым
укуктуу өкүлүнүн биринчи орун басары Илияз Ташбаев, Кыргыз Республикасынын
Экономика жана коммерция министрлигине караштуу Монополияга каршы жөнгө
салуу кызматынын Ош облустук бөлүмүнүн башчысы Ынтымак Осмонов, КараСуу райондук мамлекеттик администрациясынын акими Канат Табалдиев жана
тиешелүу мамлекеттик кызматтардын Кара-Суу району боюнча адистери менен
биргеликте, 2025-жылдын 14-ноябрында Кара-Суу районунун жана Кара-Суу
шаарынын аймагында эт жана көмүр сатуучу жайларда эттин (уй жана кой эти,
сулп этинен башкасы) жана көмүрдүн белгиленген бааларынын сакталышына
мониторинг жүргүзүлдү.
Мониторингдин жүрүшүндө, Кара-Суу районунун аймагында эттин баалары
белгиленген максималдуу чекене баадан жогору саткандыгы үчүн 2 айып пул
салынды. Андан сырткары, көмүр саткан ишкерлерге көмүрдү белгиленген баадан
жогору саткандыгы жана көмүрдүн баасы жөнүндө маалымат жоктугу үчүн 2 айып
пул салынды.
Мониторингдин жыйынтыгында эт жана көмүр сатуучуларга эттин жана
көмүрдүн белгиленген баасынан жогору сатпоо, Кыргыз Республикасынын
“Керектөөчүлөрдүн укуктарын коргоо жөнүндө” жана “Өлчөө бирдиктүүлүгүн
камсыз кылуу жөнүндө” мыйзамдарынын талаптарын сакталышы боюнча
түшүндүрүү иштери жүргүзүлдү.