2025-жылдын 10-сентябрында Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Талас облустук бөлүмүнүн кызматкерлери тарабынан Талас районунда жайгашкан жеке май куюучу жайда керектөөчүлөрдүн укуктарын коргоо жана мыйзам нормаларынын сакталуусун текшерүү боюнча мониторинг жүргүзүлдү.

Мониторинг төмөнкү нормативдик-укуктук актылардын негизинде ишке ашырылды:

Кыргыз Республикасынын «Керектөөчүлөрдүн укуктарын коргоо жөнүндө» Мыйзамы;

Кыргыз Республикасынын Министрлер Кабинетинин №313 токтому («Керектөөчүлөрдүн укуктарын коргоо жөнүндө» Мыйзамын ишке ашыруу боюнча чаралар тууралуу);

Кыргыз Республикасынын Экономика жана коммерция министрлигинин 2024-жылдын 13-майындагы №42 буйругу менен бекитилген мониторинг жүргүзүү тартиби;

Монополияга каршы жөнгө салуу кызматынын 2024-жылдын 3-декабрындагы №07-1/96 тапшырмасы;

Талас облустук бөлүмүнүн 2025-жылдын III кварталына карата иш планы.

Мониторингдин жүрүшүндө май куюучу жайдын адистерине мыйзам талаптары жана керектөөчүлөрдүн укуктарын сактоо боюнча түшүндүрүү иштери жүргүзүлдү. Жеринде мыйзам бузууларды жоюу тууралуу эскертүү берилди.

Ишкананын өкүлү коюлган талаптар менен макул экенин билдирип, аныкталган кемчиликтерди жакын арада жоюуга жана кызмат көрсөтүүдө мыйзам нормаларын сактоого даяр экендигин белгиледи. Ошондой эле, келечекте мыйзам бузууларга жол бербөө жана керектөөчүлөрдүн укуктарын коргоо багытында иштерди уланта тургандыгын маалымдады.