Кыргыз Республикасынын Экономика жана коммерция министрлигине караштуу монополияга каршы жөнгө салуу кызматынын Баткен облустук бөлүмүнүн адистери тарабынан, 2025-жылдын 2-сентябрында Кадамжай шаарынын Борбордук базарынын айланасындагы эт сатуучу жайларга Кадамжай шаардык мэриясынын кызматкерлери, Кадамжай райондук ички иштер бөлүмүнүн кызматкерлери, менен биргеликте эттердин белгиленген бааларына мамлекет тарабынан жөнгө салуу киргизилген боюнча эттердин чекене сатуу бааларына мониторинг жүргүзүлдү.

Мониторингдин жыйынтыгында уй этине монополияга каршы жөнгө салуу кызматынын Баткен облустук бөлүмү тарабынан коюлган баа 1 кг 670 сом болсо, А.К. аттуу жеке ишкер 1 кг уйдун этин 700 сомдон, же 30 сомго коюлган баадан ашыкча саткандыгы үчүн 30 эсептик айып пул салынса, кой этине коюлган баа 1 кг 680 сом болсо, А.А.Т. аттуу жеке ишкер 1 кг койдун этин 700 сомдон, же 20 сомго коюлган баадан ашыкча саткандыгы үчүн 30 эсептик айып пул салынды.