Кыргыз Республикасынын Министрлер Кабинетинин 2024-жылдын 2-декабрындагы №724 токтомун аткаруу максатында, Кыргыз Республикасынын Өкмөтүнүн 2013-жылдын 18-февралындагы №83 токтому менен бекитилген
«Мамлекет жөнгө салуучу чарбакер субъекттердин товарларына (жумуштарына, кызмат көрсөтүүлөрүнө) бааларды (тарифтерди) аныктоонун тартиби жөнүндө» жобого ылайык, ошондой эле, Жети-Өгүз райондук мамлекеттик
администрациясынын алдындагы ведомстволор аралык жумушчу топ тарабынан берилген жана каралып чыккан эсептик материалдарынын негизинде, Кыргыз Республикасынын Экономика жана коммерция министирлигине караштуу монополияга
каршы жөнгө салуу кызматынын Ысык-Көл облустук бөлүмүнүн 2025-жылдын 16-июнундагы №13 буйругу менен 2025-жылдын жайкы мезгилине Жети-Өгүз районундагы сүттү кайра иштетүүчү завод “Ак-Жалга” ЖАК тарабынан сатып алуучу 3,4% базалык
майлуулугу менен чийки сүткө 36,0 сом/л өлчөмүндө баалар белгиленсин. Майлуулугуна жараша сатып алуу баасынын деңгээли төмөндөшү же жогорулашы мүмкүн. Анда майлуулуктун базистен четтөөсүнө жараша кайра эсептөөлөр
Кыргыз Республикасынын Министрлер Кабинетинин 2024-жылдын 2-декабрындагы №724 токтому менен бекитилген чийки сүттүн баасын белгилөө тартибиндеги тиркемедеги Ченемдерге (Нормативге) ылайык жүргүзүлөрү белгиленсин.
Тиркеме: сүттү кайра иштетүүчү завод “Ак-Жалга” ЖАК үчүн белгиленген базистик майлуулугу боюнча сүт сатып алуу баасын эсептөө үчүн таблицасы.