2025-жылдын 3-июнуна карата Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Талас облустук бөлүмү тарабынан цемент рыногунда баалардын негизсиз жогорулашына жол бербөө максатында мониторинг иштери жүргүзүлдү.

Мониторингдин жыйынтыгында төмөнкүдөй маалыматтар аныкталды: – Жергиликтүү өндүрүштөгү 450 маркадагы “ЮКЦ” цементи — 470-500 сомдон; – Жергиликтүү “Араван” цементи (ЖЧК “Түштүк курулуш”) — 490-500 сомдон; – Жергиликтүү “Чүй Цемент” (Терек-Таш) — 490-500 сомдон; – Казакстан Республикасынан импорттолгон 450 маркадагы цемент — 460-480 сомдон; – Өзбекстан Республикасынан импорттолгон 450 маркадагы цемент — 460-480 сомдон сатылып жатканы белгилүү болду.

Цемент баасы боюнча көзөмөл иштерин улантуу менен катар, Талас облусунун аймагында баалардын туруктуулугун камсыздоо жана спекулятивдүү баа көтөрүүлөрдүн алдын алуу максатында кошумча иш-чаралар көрүлүп жатат.