Кыргыз Республикасынын Министрлер Кабинетинин Төрагасынын орун басары –
Кыргыз Республикасынын Суу ресурстары, айыл чарба жана кайра иштетүү өнөр жайы
министри Б.Э. Торобаевдин протоколдук тапшырмасына ылайык калкты биринчи
керектелүүчү азык-түлүк товарлары менен камсыз кылуу жана азык-түлүк рыногундагы
абалды туруктуу кармоо үчүн облустук жана райондук/шаардык денгээлде тузулгон
жумушчу топтор менен биргеликте Кыргыз Республикасынын Экономика жана
коммерция министрлигине караштуу Монополияга каршы жөнгө салуу кызматынын Чүй
облустук бөлүмү социалдык маанилүү товарлардын бааларына мониторинг жүргүзүүдө.
2025-жылдын 13-февралында Чуй облустук бөлүмүнүн кызматкерлери Токмок
шаардык мэриясынын жумушчу тобу менен биргеликте Токмок шаарынын базарларына
жана соода түйүндөрүнө мониторинг жүргүзүштү жана социалдык маанилүү товарларды
сатуучу ишкерлерге бааларды (эт, кумшекер, картошка ж.б.) себепсиз көтөрбөө боюнча
түшүндүрүү иштерин алып барышты.
Мониторингтин жыйынтыгында кээ бир социалдык маанилүү товарлардын
бааларында сезондук факторлорго жана дүн бааларынын кымбатташы менен өзгөрүүлөр
болууда.
Социалдык мааниге ээ болгон товарлардын баалары төмөндөгүчө:

• Уй эти 580,0 – 620,0 сом/кг;
• Кой эти 580,0 – 600,0 сом/кг;
• Кумшекер 65,0 – 75,0 сом/кг;
• Картошка 50 – 60,0 сом/кг;

Чүй облустук бөлүмү тарабынан социалдык маанилүү азык-түлүк жана азык-түлүк
эмес товарлардын бааларын ар жума сайын мониторинг жүргүзүү менен ишкерлер
арасында бааны себепсиз кымбаттатбоо боюнча түшүндүрүү иштерин жүргүзүүнү жана
себептерин аныктоо боюнча талдоолорду жүргүзөт.