Кыргыз Республикасынын Экономика жана коммерция министрлигине
караштуу Монополияга каршы жөнгө салуу кызматынын Ош облустук
бөлүмүнүн кызматкерлери тарабынан Кара-Суу райондук мамлекеттик
администрациясынын, Кара-Суу шаарынын мэриясы, мамлекеттик салык
кызматынын Кара-Суу району боюнча башкармалыгынын, райондук
ветеринардык башкармалыгынын кызматкерлери жана Кара-Суу базарынын
өкүлдөрү менен биргеликте, 2025-жылдын 11-февралында Ош облусунун
Кара-Суу районунун борбордук базарында социалдык маанилүү товарлардын
бааларына мониторинг жүргүзүлдү.
Мониторингдин жүрүшүндө 1 кг уй этинин баасы 650-670 сомдон, кой
этинин баасы 670 сомдон, картошка 50-55 сомдон сатылып жаткандыгы
аныкталды.
Андан сырткары, сатуучуларга бааны негизсиз көтөрүүгө жол бербөө
жана Кыргыз Республикасынын “Керектөөчүлөрдүн укуктарын коргоо
жөнүндө” Мыйзамынын талаптарын так сактоо боюнча түшүндүрүү иштери
жүргүзүлдү.