2025-жылдын 21-январында Кыргыз Республикасынын Экономика жана
коммерция министрлигине караштуу Монополияга каршы жөнгө салуу кызматынын
Талас облустук бөлүмүнүн кызматкерлери Бакай-Ата районунда жайгашкан көмүр отуну
сатылуучу жайларга мониторинг жүргүзүлдү.
Иш-чаранын жүрүшүндө көмүр отунун баасына байкоолор жана ишкерлерге
сатылып жаткан көмүрдүн бааларына байкоолор жүргүзүлүп, мындан сырткары Кыргыз
Республикасынын «Керектөөчүлөрдүн укуктарын коргоо жөнүндө» жана «Өлчөө
бирдиктүүлүгүн камсыз кылуу жөнүндө» мыйзамдарынын негизинде – “товарлардын
баалары тууралуу маалыматтарды милдеттүү түрдө көрсөтүү” жана өлчөө каражаттарын
(таразаларды) мезгилдүү текшерүүлөрдөн өткөзүү” боюнча түшүндүрүү иштери
жүргүзүлдү. Ошондой эле, баасын көрүнүктүү жерге илүү керек экендигин эскертип
көрсөтмөлөр берилди.
Алсак, бүгүнкү күндө Талас облусунун Бакай-Ата району боюнча көмүр отун
базаларында жергиликтүү көмүр таңгактоо кызматы менен 1 кг – 6,5 – 7,5 сомго чейин, ал
эми импорттук көмүр: Кара-Жыра жана Шабыркуль 1 кг 8,5– 9,5 сомго чейин сатылып
жатканы белгилүү болду.
Белгилей кетсек, Кыргыз Республикасынын Экономика жана коммерция
министрлигине караштуу Монополияга каршы жөнгө салуу кызматынын Талас облустук
бөлүмү 2024-жылдын 31-декабрында №10 сандуу “Талас облусу боюнча көмүрдүн
бааларынын максималдуу бааларын белгилөө жөнүндө” – буйругу 2025-жылдын 15-
февралга чейин кабыл алынган.