2024-жылдын 9-декабрында Кыргыз Республикасынын Экономика жана
коммерция министрлигине караштуу Монополияга каршы жөнгө салуу кызматынын Талас
облустук бөлүмүнүн кызматкерлери, тарабынан Талас шаарында жайгашкан эт сатылуучу
жайларга мониторинг жүргүзүлдү.
Бул иш-чаранын жүрүшүндө эт саткан ишкерлерге, Кыргыз Республикасынын
«Керектөөчүлөрдүн укуктарын коргоо жөнүндө» жана «Өлчөө бирдиктүүлүгүн камсыз
кылуу жөнүндө» мыйзамдарынын негизинде – “товарлардын баалары тууралуу
маалыматтарды милдеттүү түрдө көрсөтүү” жана өлчөө каражаттарын (таразаларды)
мезгилдүү текшерүүлөрдөн өткөзүү” боюнча түшүндүрүү иштери жүргүзүлдү.
Бүгүнкү күндө Талас шаарында эттин баасы төмөндөгүдөй:

Уй эти 1 кг баасы 490-530 сом

Жылкы эти 1 кг баасы 500-520 сом

Кой эти 1 кг 570-580 сомдон.

Ал эми касап каналарда уй этинин баасы ички эттери менен кошо 390-400 сомго
чейин сатылууда. Монополияга каршы жөнгө салуу кызматынын Талас облустук бөлүмү тарабынан
социалдык маанилүү товарлардын бааларына үзгүлтүксүз байкоолор жасалып, ал менен
бирге ишкерлерге бааларды негизсиз өсүшүнө жол бербөө боюнча түшүндүрүү иш-чаралар
жүргүзүлүп келет.