2024-жылдын 13-ноябрында Кыргыз Республикасынын экономика жана коммерция министрлигине караштуу монополияга каршы жөнгө салуу кызматынын  Ош шаардык бөлүмүнө, Ош  шаарынын тургуну А.А. электрондук арыз менен кайрылган:

Электрондук арыздын мазмунунда, 2024-жылдын 8-ноябрь күнү Ош шаарынын А.Шакиров көчөсүндө жайгашкан “П” дүкөнүнөн 2 аялдардын жеңи кыска курткасын 13 000 (он үч миң) сомго сатып алгандыгын, курткалар үйүнө барып кийип көрсө кичинекей келип калгандыктан, кайра 4 күндөн кийин “П” дүкөнүнө барып акчасын кайтарып берүүнү суранганда “П” дүкөнүнүн ээси акчасын кайтаруудан баш тартып  койгон.

Жогорудагы маселе боюнча 2024-жылдын 13-ноябрында  А.А. арыз даттануусунун  негизинде Монополияга каршы жөнгө салуу кызматынын Ош шаардык  бөлүмүнүн кызматкерлери “П” дүкөндүн ээсине, Кыргыз Республикасынын  “Керектөөчүлөрдүн укуктарын коргоо жөнүндө” мыйзамынын 24-беренесинин талаптарына  ылайык сатылган эки жеңи кыска куртканы кайтарып алып акчасын кайтарып берүү тууралуу жазма эскертменин жыйынтыгы менен, керектөөчүнүн арызы толук  канаатандырылып, анын алган эки жеңи кыска курткасы “П” дүкөнүнө берилип, арыздануучунун 13 000 сом акчасы толугу менен “П” дүкөнүнүн ээси тарабынан кайтарылып  берилип,эки тараптын маселеси чечилди.

Андан сырткары “Керектөөчүлөрдүн укуктарын коргоо жөнүндө” Кыргыз Республикасынын мыйзамынын нормаларын сактоо боюнча сатуучуга түшүндүрүү иштери жүргүзүлдү.