Кыргыз Республикасынын экономика жана коммерция министрлигине караштуу
монополияга каршы жөнгө салуу кызматынын Баткен облустук бөлүмүнүн адистери Баткен
шаардык мэриянын кызматкерлери менен биргеликте 2024-жылдын 30-октябрда Баткен
шаарында көмүр сатуу түйүндөрүнө мониторинг жүргүзгүлдү.
Мониторинг учурунда Кыргыз Республикасынын Экономика жана коммерция
министрлигине караштуу Монополияга каршы жөнгө салуу кызматынын Баткен облустук
бөлүмүнүн 2024-жылдын 11-сенябрындагы №19 буйругуна ылайык Баткен облусунун
аймагында калкка сатылуучу көмүрдүн чекене бааларынын максималдуу денгээли 90
календарлык күндүк мөөнөткө белгиленгендигин тааныштыруу максатында топ базада
көмүр сатуучулар арасында түшүндүрүү иштери жүргүзүлдү.
Түшүндүрүү иштеринин жүрүшүндө көмүрдүн максималдуу деңгээли Баткен
шаарында жана Баткен районунда Сүлүктү көмүрүнүн “БР” маркасынын тангакталганы 1 кг.
8,5 сомдон жана 1 тн. 8 000 сомдон, ал эми жергиликтүү көмүрдүн 1 тн. 7 000 сомдон
белгиленгени жөнүндө маалыматтар айтылып, ишкерлерге кышкы жылуулук берүү
мезгилинде көмүрдүн жөнгө салынган баасында туруктуу кармоо жана негизсиз
көтөрүлүшүнө жол бербөө керектиги түшүндүрүлдү.
Мониторингдин жыйынтыгы менен Баткен шаарынын Салихов көчөсүндөгү көмүр
сатуучу 3 жеке ишкерлер А.М.Т., Т.Р.Т. жана К.Г.И. Сүлүктү көмүрүн белгиленген баадан
жогорулатып саткандыгы үчүн Кыргыз Республикасынын Бузуулар Кодексинин 290-
беренесинин негизинде айып пул салынды.