Кыргыз Республикасынын Экономика жана коммерция
министрлигине караштуу Монополияга каршы жөнгө салуу кызматынын
Ысык-Көл облустук бөлүмү, Ысык-Көл областынын Түп райондук
мамлекеттик администрациясынын жана Ак-Суу райондук мамлекеттик
администрациясынын жетекчилиги менен жеринде кезигип көмүрдүн баасына
убактылуу жөнгө салуу киргизилгендиги жана Ысык-Көл облустук бөлүмүнүн
көмүргө максималдык чектик баасы коюлгандыгы жөнүндө айтылып,
жергиликтүү бийлик менен биргеликте мындан аркы иш чараларды алып
баруу боюнча сүйлөшүү болду. Ошондой эле Теплоключенка, Түп
айылдарында көмүр саткан жайларда сатуучуларды бөлүмдүн буйругу менен
тааныштырып, түшүндүрүү иштери жүргүзүлдү, көмүрдү сатууда чарба
жүргүзүүчү субъекттер тарабынан чекене баанын максималдуу чекене
баасынан ашпоо боюнча түшүндүрүү иштери жүргүзүлдү.
Ошондой эле ыйгарым укуктуу мамлекеттик орган тарабынан
күбөлөндүрүлгөн өлчөөчү приборлор, баа жөнүндө маалыматтын болушу
керек экендиги айтылды.