2024-жылдын 26-июнь күнү Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын  Баткен облустук бөлүмүнүн кызматкерлери, Мамлекеттик тил комиссиясынын Баткен облусунун кызматкери  жана Баткен  шаарынын мэриясынын  өкүлү  менен биргеликте  Баткен шаарынын Сайдиман ажы, М.Салихов жана М.Нургазиев көчөлөрүндө жайгашкан ашканаларга, кафе жана тамактануучу жайларга Кыргыз Республикасынын “Кыргыз Республикасынын мамлекеттик тили жөнүндө” жана “Жарнама жөнүндө” мыйзамдарынын талаптарынын сакталышы жана аткарылышы боюнча мониторинг (рейд) жүргүзүлдү.

Мониторинг  учурунда  ашкана, кафе жана тамактануучу жайлар камтылып, негизинен алардын  баарында  сырткы  аталыштары, жарнамалары жана ичиндеги көрүнөө маалыматтары мамлекеттик тилде жазылып, аш тизмектериндеги  кээ бир тамак-аштардын аталыштары  (меню) расимий тилде жазылгандыгы аныкталды.

Мониторинг жыйынтыгы менен тамак аш сатуучу жайлардын ээлерине жогорудагы мыйзамдардын талаптарын аткаруу боюнча түшүндүрүү иштери жүргүзүлүп, эскертүүлөр берилди.