2024-жылдын  29-май күнү   Кыргыз Республикасынын Экономика  жана коммерция министрлигине караштуу Монополияга каршы жөнгө салуу кызматынын Баткен облустук бөлүмүнүн кызматкерлери,  2023-жылдын 29-декабрындагы  №737/67-7 токтомуна  ылайык,  Баткен шаарынын  М.Нургазиев көчөсүндө  жайгашкан Той,  №555, Радуга, Мечта, Кел-Кел, Сайкал азык-түлүк  дүкөндөрүнүн  ээлерине жана айыл чарба шаймандарын сатуучу соода түйүндөрүнө накталай эмес төлөмдөрдү кабыл алуу жана тейлөө үчүн жабдууларды (программалык-техникалык түзүлүштүн) камсыз кылуу боюнча мониторинг жүргүзүлдү.  Мониторингдин учурунда,  8  соода түйүндөрү камтылып, алардын ичинен  6 соода-түйүнү программалык-техникалык түзүлүштү орнотуп жана колдонуп жатышкандыгы такталды. Ал эми калган 2 субъект программалык-техникалык түзүлүштү орнотуу жана колдоно электиги аныкталды.

Мониторингдин жыйынтыгында бардык сатуучу жеке ишкерлерге, Кыргыз Республикасынын  Өкмөтүнүн  2015-жылдын 23-декабрындагы  №869 “Керектөөчүлөрдүн укуктарын коргоо боюнча чаралар жөнүндө” токтомунун талаптарын аткаруу боюнча түшүндүрүү иштери жүргүзүлүп, ооз-эки эскертүүлөр берилди.