2024-жылдын 14-майында  Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Баткен облустук бөлүмүнүн кызматкерлери 2023-жылдын 29-декабрындагы  №737/67-7 токтомуна  ылайык Кыргыз Республикасынын  Финансы министрлигине караштуу мамлекеттик салык кызматынын  Баткен шаары боюнча башкармалыгынын кызматкерлери, Баткен шаарынын  мэриясынын  кызматкерлери менен биргеликте, Баткен шаарынын  Сайдиман ажи көчөсүндө  жайгашкан Гүлнур, Мариям, Сонун,   Ак-Жол, Халал, Арзан азык, Ырыскы, Байбол,  Адилет азык-түлүк  дүкөндөрүнүн ээлерине накталай эмес төлөмдөрдү кабыл алуу жана тейлөө үчүн жабдууларды (программалык-техникалык түзүлүштүн) камсыз кылуу боюнча мониторинг жана түшүндүрүү иштери жүргүзүлдү.  Мониторингдин учурунда  9  азык-түлүк дүкөндөрү камтылып, алардын ичинен 5 соода-түйүнү программалык-техникалык түзүлүштү орнотуп жана колдонуп жатышкандыгы такталды. Ал эми калган 4 соода түйүнүндө  программалык-техникалык түзүлүштү орнотуу жана колдоно электиги аныкталды.

Мониторинг жыйынтыгы менен бардык сатуучу жеке ишкерлерге, Кыргыз Республикасынын Өкмөтүнүн 2015-жылдын 23-декабрындагы  №869 “Керектөөчүлөрдүн укуктарын коргоо боюнча чаралар жөнүндө” токтомунун талаптарын аткаруу боюнча түшүндүрүү иштери жүргүзүлүп, ооз-эки эскертүүлөр берилди.