Кыргыз Республикасынын  Экономика  жана  коммерция министирлигине караштуу Монополияга каршы жөнгө салуу кызматынын Баткен облустук бөлүмүнөн  иштелип чыккан иш пландын негизинде  2024-жылдын 19-мартында бөлүмдүн адистери тарабынан Баткен шаарынын мэриясынын кызматкерлери менен биргеликте, 15-март “Бүткүл дүйнөлүк керектөөчүлөрдүн укуктарын коргоо” күнүнө карата Баткен шаарынын борбордук базарында, дыйкан базарында, жана соода борборлорунда “Керектөөчүлөрдүн укуктарын коргоо жөнүндө” мыйзамынын талаптарынын сакталуусунун аткарылышын көзөмөлдөө боюнча мониторинг жүргүзүлдү. Мониторинг жүрүүсүндө төмөнкү багыттар боюнча түшүндүрүү иш-чаралары камтылды:

• соода түйүндөрүнүн аталыштарын, иштөө режимин, товарлардын сертификатын алуу, товардын баасын илүү боюнча;
• монополияга каршы мыйзамдарынын  нормаларынын сакталышы (товарлардын сатып алуу кайтаруу тартиптери) боюнча;
• адам өмүрүнө коркунуч келтирүүчү жарактуулук мөөнөтү өтүп кеткен азык-түлүк товарларын сатыктан чыгаруу боюнча;
• сатуучулар арасында бааларды кармап туруу жана социалдык маанилүү товарларга  негизсиз баалардын  өсүшүнө жол бербөө боюнча түшүндүрүү иштери жүргүзүлдү.

Ошондой эле керектөөчүлөр темасында, сатуучулар  тарабынан берилген суроолорго адистер тарабынан жооп берилип, кеңири пикир алмашуулар  болду.