Кыргыз Республикасынын  Экономика  жана  коммерция министирлигине караштуу Монополияга каршы жөнгө салуу кызматынын Баткен облустук бөлүмү тарабынан иштелип чыккан иш пландын негизинде 2024-жылдын 12-мартында бөлүмдүн адистери, 15-март “Бүткүл дүйнөлүк керектөөчүлөрдүн укуктарын коргоо” күнүнө карата Баткен шаарынын №57 кесиптик лицейинин окуучулары жана кесипкөй окутуучулар жамаатынын  катышуусунда “Керектөөчү өз укугуңду билип ал” деген темада  иш чаралар  өткөрүлдү.

Жолугушуунун  жүрүшүндө Монополияга каршы жөнгө салуу кызматынын Баткен облустук бөлүмдүн адистери тарабынан, 15-март Бүткүл дүйнөлүк керектөөчүлөрдүн укуктарын коргоо күнүнүн тарыхы жана качан кабыл алынган таржымалы боюнча кеңири түшүндүрмөлөр айтылды. Ошондой эле сатып алуу жана кызмат көрсөтүү тармагында карым-катнаштар, Кыргыз Республикасынын “Керектөөчүлөрдүн укуктарын коргоо жөнүндө” мыйзамында каралган монополияга каршы органдын укуктук ыйгарымдары жөнүндө кеңири маалыматтар берилди.

Ошондой эле керектөөчүлөр темасында, окуучулар тарабынан берилген суроолорго адистер тарабынан жооп берилип, кеңири пикир алмашуулар  болду.